کراچی: (دنیا نیوز) پاکستان کوسٹ گارڈز کی سمندر میں غیرقانونی ماہی گیری کے خلاف کارروائیاں شروع ہو گئی ہیں۔
ترجمان پاکستان کوسٹ گارڈز کا کہنا ہے کہ کارروائیاں بلوچستان کے علاقوں اورماڑہ، پسنی اور جیوانی کے سمندر میں کی گئی ہیں جبکہ ٹرالنگ والی کشتیاں دیگر غیر قانونی سرگرمیوں، ہتھیاروں اور منشیات کی سمگلنگ میں بھی ملوث ہوتی ہیں۔
پاکستان کوسٹ گارڈز نے گزشتہ ہفتے 12 فشنگ ٹرالر کوغیر قانونی ٹرالنگ کرتے ہوئے تحویل میں لے لیا، علاوہ ازیں یکم جنوری سے 25 مارچ 2025 تک غیر قانونی ماہی گیری کے خلاف آ پریشن کے دوران 2 ٹرالر کو پہلے ہی ضبط کیا جا چکا ہے۔
