کراچی: (دنیا نیوز) اینٹی نارکوٹکس فورس (اے این ایف) نے 3 مختلف کارروائیوں میں بھاری مقدار میں منشیات برآمد کر کے 2 ملزمان گرفتار کر لئے۔
ترجمان اے این ایف کے مطابق کارروائیاں اٹک اور پنجگور میں کی گئیں۔
حکام کا کہنا ہے کہ کارروائیوں کے دوران 55 کلو 70 گرام چرس برآمد کی گئی، گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے۔
ترجمان کے مطابق ملزمان کے خلاف انسداد منشیات ایکٹ 1997 کے تحت مقدمات درج کر لئے گئے۔
