لاہور: (دنیا نیوز) بھائی نے غیرت کے نام پر اپنی بہن کے بال مونڈ دیئے۔
پولیس کے مطابق صوبائی دارالحکومت لاہور میں 15 سالہ لڑکی شاہدرہ ٹاؤن سے بابا فرید کالونی اپنے بھائی کے گھر آئی تھی، جہاں غیرت کے نام پر بھائی نے بہن کے بال مونڈ دیئے۔
ایس ایچ او کوٹ لکھپت نے متاثرہ لڑکی کے والد دلبر کی درخواست پر مقدمہ درج کر کے ٹیم کے ہمراہ کارروائی کرتے ہوئے فرید کالونی سے 4 ملزمان کو گرفتار کرلیا، ملزمان میں بھائی، بھابھی اور دیگر 2 رشتے دار شامل ہیں۔
اے ایس پی کشمالہ فاروق نے بتایا کہ ملزمان کو کسی کے ساتھ لڑکی کی دوستی ہونے کا شک تھا اور شک کی بنا پر ملزمان نے مل کر لڑکی کے بال مونڈ دیئے، ملزمان نے متاثرہ لڑکی کی نازیبا وڈیوز بنائی اور اسے وائرل کرنے کی بابت دھمکاتے رہے۔
گرفتار ملزمان میں بھائی قاسم، بھابھی معصومہ، سمیر و گنگر بی بی شامل ہیں۔
ایس پی ماڈل ٹاؤن سیدہ شہربانو نقوی کی ایس ایچ او عمران انوار و ٹیم کو شاباش دی اور کہا کہ خواتین کا استحصال کرنے والے کسی رعایت کے مستحق نہیں۔
