اسلام آباد: (دنیا نیوز) تھانہ گولڑہ میں لڑکے نے چھری کے وار کرکے لڑکی کا قتل کر دیا۔
قتل کی جانے والی لڑکی کی شناخت عائشہ کے نام سے ہوئی ہے، ملزم موقع واردات سے فرارہونے میں کامیاب ہوگیا، ملزم کی شناخت عید محمد کے نام سے ہوئی ہے۔
واقعہ کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، لڑکی کی لاش کو ضروری کارروائی کے لئے ہسپتال منتقل کر دیا گیا، پولیس حکام نے بتایا کہ ملزم کو پکڑنے کیلئے ٹیمیں تشکیل دیدی گئی ہیں۔
پولیس حکام کا مزید کہنا تھا کہ ملزم کو جلد حراست میں لے کر کیفر کردار تک پنچایا جائے گا، واقعہ کے بارے میں تحقیقات شروع کر دی ہے۔
