شہر قائد میں گھر سے نوجوان کی پھندا لگی لاش برآمد

کراچی: (ویب ڈیسک) شہر قائد میں گھر سے نوجوان کی پھندا لگی لاش برآمد ہوئی ہے۔

واقعہ محمود آباد کے علاقے کشمیر کالونی سیکٹر اے میں پیش آیا، اطلاع پر پولیس نے موقع پر پہنچ کر لاش کو ضروری کارروائی کے لئے ہسپتال منتقل کر دیا جہاں پر متوفی کی شناخت 23 سالہ عثمان کے نام سے ہوئی ہے۔

ریسکیو حکام کا کہنا ہے کہ ابتدائی طور پر واقعہ گلے میں رسی کا پھندا لگا کر خودکشی کا بتایا جا رہا ہے، پولیس نے بھی موقع پر پہنچ کر تحقیقات شروع کر دی۔