کراچی:(دنیا نیوز) شہر قائد میں غیر قانونی کرنسی ایکسچینج میں ملوث 3 ملزمان گرفتار کرلیے گئے۔
ایف آئی اے کارپوریٹ کرائم سرکل نے سمن آباد میں کارروائی کی جہاں سے ملزمان مدثر، سجاد علی اور محمد خالد کو گرفتار کیا گیا جو غیر قانونی کرنسی ایکسچینج میں ملوث تھے۔
ایف آئی اے حکام کا کہنا تھا کہ گرفتار ملزمان کے قبضے سے مجموعی طور پر 18000 سعودی ریال، 10000 امریکی ڈالر اور 5000 برطانوی پاؤنڈ سمیت 63 لاکھ 45 ہزار روپے بھی برآمد کر لئے گئے۔
حکام نے کہا ہے ملزمان کے قبضے سے غیر قانونی کرنسی ایکسچینج سے متعلق شواہد بھی برآمد ہوئے، ملزمان بغیر لائسنس کرنسی ایکسچینج کا کاروبار کر رہے تھے۔
ایف آئی اے حکام کا مزید کہنا تھا کہ ملزمان کے دیگر ساتھیوں کی گرفتاری کے لئے چھاپے مارے جا رہے ہیں۔
