ممبئی: (ویب ڈیسک) بھارت کی جنوبی فلم انڈسٹری کے نامور اداکار وشال نے ساتھی اداکارہ سائی دھنشیکا سے منگنی رچا لی۔
بھارتی میڈیا کے مطابق 48 سالہ اداکار نے رواں سال مئی میں سائی دھنشیکا سے تعلق کا اعتراف کیا تھا اور شادی کا اعلان کیا تھا۔
میڈیا رپورٹس کے مطابق وشال نے اپنی 48 ویں سالگرہ پر سائی دھنشیکا سے منگی کا اعلان کیا اور تصاویر بھی سوشل میڈیا اکاؤنٹ پر شیئر کی ہیں۔
بھارتی میڈیا کے مطابق وشال کی شادی بھی ان کی سالگرہ کے موقع پر ہی ہونا تھی تاہم گھر کی تعمیر مکمل نہ ہونے کے سبب شادی کی تاریخ کو آگے بڑھا دیا گیا ہے۔
خیال رہے کہ وشال اداکار کے ساتھ ساتھ پروڈیوسر بھی ہیں، انہوں نے کم عمری میں فنی کیریئر کا آغاز بطور ڈانسر کیا تھا۔
