لاہور: (اسامہ غوری) معروف اداکارہ، ماڈل اور گلوکارہ فضا علی کا نیا گانا "مہندی والی رات" مکمل ہو گیا ہے جو جلد ریلیز کیا جائے گا۔
فضا علی جو ماڈلنگ، اداکاری اور میزبانی کے ساتھ اپنی آواز کا جادو بھی بکھیر چکی ہیں اس بار شادی بیاہ کی مناسبت سے ایک رنگا رنگ گیت لے کر آ رہی ہیں، گانے کا پوسٹر جاری کر دیا گیا ہے جبکہ لانچنگ تقریب رواں ماہ منعقد کی جائے گی جس میں شوبز سے وابستہ نمایاں شخصیات شرکت کریں گی۔
.jpg)
ویڈیو سونگ کی ہدایتکاری عادل عسکری نے دی ہے جبکہ موسیقی تابو نے ترتیب دی ہے، "مہندی والی رات" میں پاکستانی ثقافت اور روایتی شادی بیاہ کی جھلک خوبصورتی سے پیش کی گئی ہے۔
فضا علی اس سے قبل بھی شادی بیاہ کے موضوع پر گانے کر چکی ہیں، ان کا گانا "سہرا" لاکھوں ویوز حاصل کر چکا ہے اور دنیا بھر میں مقبول ہوا ہے۔
ان کے دیگر مشہور گانوں میں "مکھی"، "شالہ"، "چاندنی"، "دور نہ جا"، "رنگ رلیاں"، "رات" اور "بے وفا" شامل ہیں جنہیں مداحوں کی بھرپور پذیرائی ملی ہے۔
