اداکارہ صباء قمر سے چپقلش کی خبروں پر ماہرہ خان کا ردعمل آ گیا

لاہور: (ویب ڈیسک) پاکستان کی مشہور و معروف اداکارہ صباء قمر سے چپقلش کی خبروں پر ماہرہ خان کا ردعمل آ گیا۔

اداکارہ ماہرہ خان حال ہی میں اپنی نئی فلم ’’نیلوفر‘‘ کی تشہیر کے سلسلے میں فواد خان کے ہمراہ نجی ٹی وی کے پروگرام میں شریک ہوئیں۔

اس دوران ان سے سوال کیا گیا کہ صبا قمر اور آپ کے درمیان خاموش دشمنی کا تاثر کیوں دیا جاتا ہے، جس پر ماہرہ خان نے کہا کہ اس میں کوئی حقیقت نہیں، کئی مرتبہ ان سے یہی سوال کیا جا چکا ہے اور اس کے جواب میں وہ یہی کہتی آئی ہیں کہ ان کی جانب سے کبھی بھی کوئی مخالفت یا دشمنی نہیں رہی۔

انہوں نے اس موقع صبا قمر کی اداکاری کی تعریف کی اور کہا کہ وہ باصلاحیت اداکارہ ہیں۔

ماہرہ خان کا کہنا تھا کہ دنیا بھر میں یہ رجحان ہے کہ جب بھی دو مضبوط اور کامیاب خواتین ایک ساتھ نظر آتی ہیں تو لوگ خود سے ہی انہیں ایک دوسرے کے مقابل کھڑا کرنے لگ جاتے ہیں۔

اداکارہ نے کہا کہ صبا قمر کے ساتھ انہوں نے کوئی مشترکہ پراجیکٹ نہیں کیا ہے اگر موقع ملا تو وہ ضرور ان کے ساتھ کام کریں گی۔