لاہور: (ویب ڈیسک) سٹیٹ بینک آف پاکستان نے پلاسٹک کے نئے کرنسی نوٹوں کے حوالے سے چلنے والی خبروں کو افواہ اور جعلی قرار دے دیا۔
اسٹیٹ بینک کی جانب سے جاری بیان کے مطابق سوشل میڈیا پر نئے کرنسی نوٹوں کے حوالے سے جعلی خبریں گردش کر رہی ہیں جن کی سختی سے تردید کی جاتی ہے۔ اسٹیٹ بینک نے واضح کیا ہے کہ فی الحال ایسی کوئی تجویز زیرِ غور نہیں ہے کہ پاکستان میں کرنسی نوٹ تبدیل کیے جائیں۔
Some fake news regarding new designs of currency notes is circulating on social media. #SBP categorically denies the news and clarifies that no such proposal is under consideration at the moment. pic.twitter.com/Dnt1Yb3QRP
— SBP (@StateBank_Pak) November 8, 2021
واضح رہے کہ گزشتہ کچھ روز سے کرنسی نوٹوں کی کچھ تصاویر سوشل میڈیا پرگردش کر رہی ہیں جن کے بارے میں کہا جا رہا تھا کہ یہ پشاور کے ایک طالب علم نے ڈیزائن کیے ہیں جن کی اسٹیٹ بینک نے منظوری دے دی ہے۔ پلاسٹک کی اس کرنسی نوٹ کی نقل تیار کرنا ناممکن ہوگا۔
