لاہور: (ویب ڈیسک) فاسٹ بولرمحمد عامر نے ایک بار پھر ریٹائرمنٹ واپس لینے کی خبروں کو مسترد کردیا ہے۔
محمد عامر نے اپنے ویڈیو پیغام میں کہا کہ یہ وقت نوجوان کھلاڑیوں کے ساتھ آگے بڑھنے کا ہے، انہوں نے سرفراز احمد کو پی سی بی کے سلیکشن معاملات میں شامل کرنے کی تجویز کی حمایت بھی کردی ۔
سرفراز احمد کو پاکستان کرکٹ بورڈ میں سلیکشن کمیٹی کی ممکنہ ذمہ داری ملنے کے حوالے سے محمد عامر نے کہا کہ سرفراز احمد کو اگر سلیکشن میں کوئی ذمہ داری دی جاتی ہے تو یہ درست قدم ہوگا، انہوں نے کہا کہ سرفراز احمد بہت اچھے دیانتدار انسان ہونے کے ساتھ موجودہ کھلاڑیوں کی خوبیوں اور خامیاں جانتے ہیں، ابھی تک میڈیا رپورٹس میں ہی سرفراز احمد کو سلیکشن کمیٹی کا حصہ بنائے جانے کا سنا ہے۔
انہوں نے مزید کہا کہ پاکستان ٹیم نے ایشیا کپ کا فائنل کھیلا،اس کمبی نیشن کو مزید بہتر بنا کر پاکستان آئی سی سی ٹی ٹوئنٹی ورلڈکپ کا فائنل کھیل اور چیمپئن بن سکتا ہے۔
