لاہور:(دنیا نیوز) وزیر اطلاعات پنجاب عظمی بخاری کا بلاول ہاؤس کی سکیورٹی بارے بیان آ گیا۔
صوبائی دارالحکومت سے جاری ایک بیان میں عظمیٰ بخاری نے بلاول ہاؤس لاہور کی سکیورٹی واپس لینے کی تردید کردی، بلاول ہاؤس لاہور کی سیکیورٹی واپس لینے کی خبریں جھوٹ اور من گھڑت ہیں۔
اُنہوں نے کہا کہ میڈیا اور صحافیوں کو ایسی فیک خبریں چلانے سے گریز کرنا چاہیے، بلاول ہاؤس لاہور میں سکیورٹی معمول کے مطابق موجود ہے۔
خیال رہے بلاول ہاؤس لاہور کی سکیورٹی بارے پنجاب پولیس کے ترجمان کی بھی تردید آ چکی ہے کہ ایسی خبریں حقائق کے منافی ہیں۔
