کراچی: (دنیا نیوز) پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے کراچی کا دورہ کیا ہے، دورے کے دوران انہوں نے ماحولیاتی چیلنجز اور جوابی اقدامات پر بات کی۔
ڈی جی آئی ایس پی آر میجر جنرل آصف غفور کے مطابق پاک فوج کے سپہ سالار جنرل قمر جاوید باجوہ نے شہر قائد کا دورہ کیا۔ اس دوران انہوں نے پیسز کی اختتامی تقریب میں گریژن افسران کی تقریب سے خطاب بھی کیا۔
Army Chief (COAS) General Qamar Javed Bajwa visits Karachi to attend closing ceremony of PACES: ISPR#DunyaVideos #DunyaNews #COAS #ISPR pic.twitter.com/PcVWIFgwAu
— Dunya News (@DunyaNews) October 18, 2019
ڈی جی آئی ایس پی آر میجر جنرل آصف غفور کے مطابق پیسز کی تقریب میں آرمی چیف نے جوانوں اور افسران کو انعامات سے بھی نوازا، گوجرانوالہ کور نے آٹھویں آرمی پیسز چیمپیئن شپ جیتی، انجیئنرنگ سینٹر ٹیم نے ساتویں ینگ سولجر پیسز چیمپئین شپ جیتی، کراچی کور کمانڈر لیفٹیننٹ جنرل ہمایوں عزیز بھی اس موقع پر موجود تھے
پاک فوج کے شعبہ تعلقات عامہ کے مطابق آرمی چیف نے دورہ کراچی کے دوران ماحولیاتی چیلنجز اور جوابی اقدامات پر بھی بات چیت کی۔
اس موقع پر پاک فوج کے سربراہ جنرل قمر جاوید باجوہ کا کہنا تھا کہ جدید ٹیکنالوجی کے باوجود جوانوں کی مہارت اور تربیت اہم ہے۔ جسمانی فٹنس اور اعلیٰ تربیتی معیار پاک فوج کا طرہ امتیاز ہے۔
