خان پور: (دنیا نیوز) جسے اللہ رکھے اسے کون چکھے، گنے سے لوڈ ٹریکٹر ٹرالی کی زد میں آنے والا 65 سالہ شخص معجزاتی طور پر بچ گیا۔
یہ حادثہ گزشتہ روز لیاقت پور روڈ پر چناب کاٹن کے قریب پیش آیا جہاں پر 65 سالہ شخص شخص گنے سے لوڈ ٹریکٹر ٹرالی کی زد میں آ گیا۔ ٹریکٹر کا اگلا اور پچھلا پہیہ 65 سالہ شخص کے اوپر سے گزر گیا جبکہ ٹرالی کے پہیوں سے وہ بال بال محفوظ رہا۔
اس حادثہ کی سی سی ٹی وی فوٹیج بھی دنیا نیوز کو موصول ہوئی ہے جس میں تمام تر وقوعہ واضح دیکھا جا سکتا ہے۔ ریسکیو ذرائع کے مطابق حادثہ کا شکار ہونے والا 65 سالہ شخص محمد اکرم چک 82 کا رہائشی ہے جسے تحصیل ہیڈ کوارٹرز ہسپتال خان پور منتقل کیا گیا جہاں پر اسے طبی امداد دی گئی۔
