لاہور: (ویب ڈیسک) وفاقی وزیر تعلیم شفقت محمود نے تعلیمی ادارے 15 اکتوبر سے دوبارہ بند ہونے کی خبر کو جعلی قرار دیتے ہوئے تردید کر دی۔
سوشل میڈیا ویب سائٹ ٹویٹر پر جاری کئے گئے اپنے پیغام میں وفاقی وزیر تعلیم شفقت محمود کا کہنا تھا کہ تعلیمی اداروں کی بندش سے متعلق پھیلائی جانے والی خبریں محض افواہیں ہیں، ان میں کوئی سچائی نہیں۔ واضح رہے کہ ملک بھر میں کورونا وائرس کے کیسز میں کمی کے بعد سکولوں سمیت تعلیمی ادارے تقریبا 6 ماہ بعد مرحلہ وار کھولے گئے ہیں۔
Fake news being circulated on social media that educational institutions will be closed on Oct 15. No truth in this.
— Shafqat Mahmood (@Shafqat_Mahmood) October 5, 2020
یہ امر قابل ذکر ہے کہ صوبہ سندھ میں تعلیمی اداروں کے کھلنے کے بعد کورونا ایس او پیز کی کھلم کھلا خلاف ورزیاں جاری ہیں جس کے سبب کورونا وبا کے دوبارہ پھیلنے کے خدشات سر ابھار رہے ہیں۔ محکمہ مانیٹرنگ اینڈ ایوولیشن ڈپارٹمنٹ کی رپورٹ کے مطابق سندھ کے تعلیمی اداروں میں کورونا ایس او پیز پر عملدرآمد کی واضح ہدایات کے باوجود عملدرآمد نہیں کیا جا رہا۔
