تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید9 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 793 ہوگئی
  • بریکنگ :- 24 گھنٹےکےدوران 43 ہزار 503 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 310 کیس رپورٹ،این سی اوسی

سندھ میں 30 اگست سے 100 فیصد ویکسی نیشن والے سکول کھولنے کا فیصلہ

Published On 23 August,2021 02:56 pm

کراچی: (دنیا نیوز) وزیر تعلیم سندھ نے نجی سکول ایسوسی ایشن کے وفد سے ملاقات کے بعد سندھ میں 30 اگست سے 100 فیصد ویکسینیشن والے اسکول اور کالجز کھولنے کا اعلان کر دیا۔ کل سےعملے کو بلانے کی اجازت بھی دے دی۔

وزیر تعلیم سندھ سردار شاہ کا کہنا تھا کہ سو فیصد ویکسی نیشن والے تعلیمی اداروں کو اوپن کیا جائے گا، عملے اور اساتذہ کی ویکسی نیشن رپورٹ جمع کرانا لازم ہوگی، اسکول پچاس فیصد حاضری کے ساتھ کھلیں گے۔

قبل ازیں سندھ حکومت کے اسکولز کی بندش کے فیصلے پر طلباء، اساتذہ اور والدین نے کراچی میں بڑا احتجاج کیا۔ کے ڈی اے چورنگی کے اطراف کی سڑکیں اسکولز کی بندش نامنظور کے نعروں سے گونجتی رہیں۔

وزیر تعلیم سردار شاہ نے صورتحال کا نوٹس لیتے ہوئے پرائیویٹ اسکولز ایسوسی ایشن کے نمائندوں کو طلب کرلیا اور 30 اگست سے اسکول کھولنے کا اعلان بھی کر دیا۔