کورونا کی بگڑتی صورتحال، مزید 27 شہروں میں احتیاطی تدابیر سخت ،شادی ہال، مزار، سنیما گھر بند ، دکانیں رات آٹھ بجے بجے کھلی رکھنے کی اجازت، این سی او سی نے مراسلہ جاری کردیا۔

این سی او سی کے مطابق ان شہروں میں اسلام آباد،خانیوال ،میانوالی، سرگودھا ، خوشاب ، بہاولپور،ملتان ، گوجرانوالہ ، راولپنڈی ، لاہور اور رحیم یار خان، حیدرآباد، کراچی ،مظفرآباد، میرپور،گلگت، اسکردو، پشاور، سوات، ہری پور، مانسہرہ، لوئر دیر، صوابی ، ایبٹ آباد ، سوات اور چترال لوئر شامل ہیں۔

ان شہروں میں ہفتے میں 2 دن مارکیٹس بند اور ریسٹورنٹس میں رات 10 بجے تک آؤٹ ڈور ڈائننگ کی اجازت ہوگی ،اعلامیہ میں کہا گیا ہے کہ ان ایس او پیز پر 13 ستمبر کو نظر ثانی کی جائے گی ۔