اسلام آباد: (دنیا نیوز) پاکستان تحریک انصاف کے سینیٹر اورسابق وفاقی وزیر خزانہ شوکت ترین نے کہا ہے کہ فنانشل ایکشن ٹاسک فورس (ایف اے ٹی ایف) کی گرے لسٹ سے نکلنے کا سہرا بھی حماد اظہر کے سر جاتا ہے۔
سماجی رابطے کی ویب سائٹ ٹویٹر پر انہوں نے لکھا کہ ہم حکومت میں ہوتے تو ہم ایسے اقدامات نہ کرتے، عالمی منڈی میں بڑھتی قیمتوں کا سارا بوجھ عوام پر نہ ڈالتے، روس سے جا کر تیل خریدتے، غیر ضروری اخراجات کم کرتے، فیڈرل بورڈ ریونیو (ایف بی آر) کے محصولات بڑھاتے۔اور غرباء کو ٹارگٹڈ سبسڈی دیتے۔
Despite increasing petrol/ diesel prices by Rs84/115 per litre, power/ electricity prices by 50%, you have not been able to satisfy IMF. Latest economic survey released by your govt validates our strong economic performance, so stop blaming us and improve performance of your govt
— Shaukat Tarin (@shaukat_tarin) June 17, 2022
حکومت پر تنقید کرتے ہوئے سابق وفاقی وزیر خزانہ نے کہا کہ پٹرولیم مصنوعات کی قیمتیں بڑھا کر بھی آئی ایم ایف کو مطمئن نہ کرسکے، اپنی حکومت کی بری کارکردگی کا ملبہ ہم پر نہ ڈالیں، ہماری حکومت کے دوران مہنگائی میں اس طرح اضافہ نہ ہوا، ہماری حکومت کے دوران پٹرولیم مصنوعات 84 روپے فی لٹر سے 115 روپے پر پہنچی تھی، موجودہ حکومت نے آئی ایم ایف کے کہنے پر قیمتیں 50 فیصد بڑھادی ہیں۔
شوکت ترین نے مزید لکھا کہ آپ نے تو بجلی بھی مہنگی کردی، اکنامک سروے سے پتہ چلتا ہے ہماری حکومت میں معاشی اشارے بہتر ہوئے تھے۔
Removal of Pakistan from FATF grey list is yet another feather in PTI@Hammad Azhar s cap. After producing strong economic results in the last two years, successfully managing Covid and now FATF, the question is why was Imran Khan s govt changed?
— Shaukat Tarin (@shaukat_tarin) June 17, 2022
پی ٹی آئی سینیٹر کا کہنا تھا کہ فنانشل ایکشن ٹاسک فورس (ایف اے ٹی ایف) کی گرے لسٹ سے نکلنے کا سہرا بھی حماد اظہر کے سر جاتا ہے۔ گزشتہ دو سال میں پاکستان کی معشیت بہتر ہونے کا ریکارڈ قائم ہوا۔ شہباز شریف ہماری حکومت کی کارکردگی پر جھوٹ نہ بولے۔
