عام انتخابات کا معائنہ: دولت مشترکہ کا 16رکنی وفد پاکستان آئیگا

Published On 30 January,2024 05:02 pm

لندن: (دنیا نیوز) ‏عام انتخابات کے معائنے کے لئے دولت مشترکہ کا 16 رکنی وفد پاکستان آئے گا۔

مبصرین کے وفد کی قیادت نائیجیریا کے سابق صدر کریں گے، آسٹریلیا، نیوزی لینڈ کے نمائندے بھی وفد میں شامل ہوں گے۔

انتخابات کی کوریج کیلئے برطانیہ کے 37 صحافیوں کو پاکستان ہائی کمیشن لندن نے ویزے جاری کر دیئے، الیکشن کمیشن آف پاکستان کی دعوت پر انٹرنیشنل آبزرور گروپس انتخابات کو مانیٹر کریں گے۔

ہائی کمیشن لندن کے مطابق تمام ادارے حکومت پاکستان کی ہدایات کے مطابق کامیاب الیکشن کے انعقاد کے لئے آئینی کردار ادا کریں گے۔