بہاولپور: (دنیا نیوز) محکمہ موسمیات کے مطابق چولستان کے مختلف مقامات پر خشک سالی کے آثار نمودار ہونے لگے۔
محکمہ موسمیات کا کہنا ہے کہ یکم ستمبر سے 15 جنوری تک ملک میں 40 فیصد کم بارشیں ہوئیں، پنجاب میں بھی 42 فیصد کم بارشیں ریکارڈ کی گئیں۔
محکمہ موسمیات کی جانب سے متعلقہ اداروں کو ایڈوائزری جاری کر دی گئی، جس میں کہا گیا ہے کہ بارش نہ ہونے سے چولستان میں خشک سالی کی صورتحال مزید بڑھ سکتی ہے۔
ایڈوائزری کے مطابق متعدد ٹوبے خشک ہوگئے ہیں جبکہ بیشتر میں پانی 30 فیصد رہ گیا، بارش نہ ہوئی تو چولستانیوں کی نقل مکانی کے امکانات بڑھ جائینگے۔
