اسلام آباد: (دنیا نیوز) مون سون بارشوں کے باعث 26 جون سے 17 جولائی تک کے نقصانات کی تفصیلات جاری کر دی گئیں۔
رپورٹ کے مطابق مون سون بارشوں کے باعث ملک بھر میں مجموعی طور پر اب تک 178 افراد جاں بحق، 491 زخمی ہو چکے ہیں۔
اعداد و شمار کے مطابق پنجاب میں سب سے زیادہ 385 افراد زخمی ہوئے ہیں، پنجاب میں 103 افراد جاں بحق ہوئے جن میں 50 بچے شامل ہیں۔
رپورٹ کے مطابق خیبرپختونخوا میں 38 اموات، 57 زخمی، سندھ میں 20 افراد جاں بحق، 40 زخمی ہوئے، بلوچستان میں 16 اموات، زخمیوں کی تعداد 4 ہے، آزاد کشمیر میں 1 شخص جاں بحق ہوا۔
24 گھنٹے کے دوران 54 افراد جاں بحق ہوئے جن میں 22 بچے شامل ہیں، تمام 54 افراد پنجاب میں جان کی بازی ہارے، گزشتہ 24 گھنٹے میں 227 زخمی ہوئے، زخمیوں کا تعلق بھی پنجاب سے ہے۔
ملک بھر میں گزشتہ 24 گھنٹے کے دوران 88 گھروں کو نقصان پہنچا، مجموعی طور پر اب تک 610 گھروں کو نقصان پہنچا، 126 مویشی پانی میں بہہ گئے۔
