پشاور: (دنیا نیوز) نو منتخب وزیر اعلیٰ خیبر پختونخوا محمد سہیل آفریدی نے اپنے عہدے کا حلف لینے کے فوری بعد بانی چئیرمین پی ٹی آئی سے ملاقات کا فیصلہ کر لیا۔
نو منتخب وزیر اعلیٰ سہیل آفریدی نے بانی پی ٹی آئی سے ملاقات کے لئے کل 16 اکتوبر کو اڈیالہ جانے کا فیصلہ کیا ہے۔
وزیر اعلیٰ کی بانی پی ٹی آئی سے ملاقات کے انتظامات کے لئے صوبائی حکومت نے وفاقی اور پنجاب حکومتوں کو باقاعدہ مراسلہ ارسال کر دیا۔
یہ بھی پڑھیں: سہیل آفریدی وزیراعلیٰ مقرر: خیبرپختونخوا حکومت نے نوٹیفکیشن جاری کر دیا
اس سلسلے میں محکمہ داخلہ خیبر پختونخوا نے وفاقی سیکرٹری داخلہ اور سیکرٹری داخلہ پنجاب کو مراسلہ ارسال کیا۔
مراسلے میں کہا گیا ہے کہ وزیر اعلیٰ خیبرپختونخوا کی بانی پی ٹی آئی سے ملاقات کروانے کے لیے ضروری انتظامات کیے جائیں۔
