قصور:(دنیا نیوز) پنجاب کے ضلع قصور کے دیپال پور روڈ پر دو ٹریفک حادثات میں 2 خواتین جاں بحق، دو افراد زخمی ہو گئے۔
ریسکیو ذرائع کے مطابق پہلا واقعہ ٹولو والا میں پیش آیا جہاں گاڑی کی ٹکر سے موٹرسائیکل پر سوار 65 سالہ خاتون شدید زخمی ہونے کے بعد دم توڑ گئی۔
ذرائع نے بتایا کہ دوسرے واقعے میں فتح پور کے قریب موٹر سائیکل بے قابو ہوکر فٹ پاتھ سے ٹکرا گئی جس میں 70 سالہ خاتون موقع پر جاں بحق ہو گئی جب کہ دو افراد بھی زخمی ہوا۔
ریسکیو حکام کا مزید کہنا تھا کہ حادثے میں جاں بحق ہونے والی دونوں خواتین اور زخمیوں کو ڈسٹرکٹ بابا بلھے شاہ ہسپتال منتقل کر دیا گیا، جہاں اُن کا علاج ومعالجہ جاری ہے۔
