برازیلیا: (دنیا نیوز) وزیراعلیٰ پنجاب مریم نواز شریف عالمی کاپ 30 کانفرنس میں شرکت کیلئے برازیل پہنچ گئیں۔
کانفرنس میں شرکت کیلئے وزیراعلیٰ پنجاب کے ساتھ سینئر وزیر پنجاب مریم اورنگزیب، وزیر تعلیم رانا سکندر اوردیگر حکومتی شخصیات بھی موجود ہیں، مریم نواز کاپ 30 کانفرنس میں پنجاب میں ماحولیاتی بہتری کے اپنے وژن اور اقدامات پر کلیدی خطاب کریں گی۔
مریم نواز پنجاب کلائمیٹ ریزی لینس، ستھرا پنجاب، الیکٹرک گاڑیوں، جنگلات اور جنگلی حیات کے تحفظ و فروغ کا اپنا وژن اجاگر کریں گی، کاپ 30 کانفرنس 21 نومبر تک جاری رہے گی، اس دوران مریم نواز عالمی رہنماؤں، بین الاقوامی ماحولیاتی اداروں کی قیادت اور ماہرین سے بھی ملاقاتیں کریں گی۔
