لاہور: (دنیا نیوز) کاپ 30 کانفرنس میں صوبہ پنجاب کی طرف سے ’پاکستان پویلین‘ قائم کر دیا گیا۔
کاپ 30 کانفرنس کے موقع پر دنیا بھر سے ممالک نے اپنے اپنے پویلینز قائم کئے ہیں، پویلین کا عنوان ’فرام دی انڈس ٹو دی ایمازون‘ رکھا گیا ہے۔
پویلین میں ستھرا پنجاب سمیت پنجاب حکومت کے گزشتہ ڈیڑھ سال کے دوران کئے اقدامات کو اجاگر کیا گیا ہے، کاپ 30 میں پاکستانی پویلین حاضرین کی دلچسپی کا مرکز بن گیا۔
پویلین میں بڑی سکرینز بھی نصب کی گئی ہیں، پویلین کو قومی پرچم کے رنگوں سے آراستہ کیا گیا ہے، پویلین میں ماحول کی بہتری کے حکومت پنجاب کے اقدامات کے بارے میں ڈاکیومینٹریز بھی پیش کی جا رہی ہیں۔
وزیراعلیٰ پنجاب مریم نوازشریف پاکستان پویلین کا باضابطہ افتتاح کریں گی، اس موقع پر وزیراعلیٰ مریم نوازشریف خطاب میں پنجاب حکومت کی ماحول دوست پالیسیوں پر اظہار خیال کریں گی۔
