انسدادِدہشتگردی کیلئے گاڑیوں پر شناختی نمبرز اور ایم ٹیگ لگانا ضروری ہے: عطا تارڑ

اسلام آباد:(دنیا نیوز) وفاقی وزیراطلاعات عطا تارڑ نے کہا ہے کہ دہشتگردی کے خاتمے کیلئے گاڑیوں پر شناختی نمبرز اور ایم ٹیگ لگانا ضروری ہے۔

وفاقی دارالحکومت میں میڈیا سے گفتگو کرتے ہوئے عطا تارڑ کا کہنا تھا کہ میثاق جمہوریت میں آئینی عدالت کا ذکرتھا، میثاق جمہوریت پرعملدرآمد کیا گیا ہے، قانون سازی پارلیمنٹ کا اختیار، پی ٹی آئی نہیں مان رہی تو نہ مانے۔

اُنہوں نے کہا کہ دہشتگردی کے خاتمے کیلئے حفاظتی اقدامات کر رہے ہیں، عوام کےجان و مال کی حفاظت ریاست کی ذمہ داری ہے، ہم نے پاکستان کےسافٹ امیج کو آگے لے کرجانا ہے۔

وفاقی وزیراطلاعات کا گاڑیوں پر ای ٹیگ اور ایم ٹیگ اور اسلام آباد کے شہریوں کا ڈیٹا جمع کرنے کے حوالے سے پوچھے گئے سوال کے جواب میں کہنا تھا کہ بہت ضروری ہے کہ گاڑیوں پر شناختی نمبرز اور ایم ٹیگ لگے ہوں۔

عطا تارڑ نے مزید کہا کہ دنیا میں کئی ممالک نے دہشتگردی کو شکست دی ہے، مسئلہ یہ ہے کہ نان کسٹمز پیڈ گاڑیاں آتی ہیں، اس میں خودکش بمبار آتا ہے، کچہری کے باہر دھماکہ کرتا ہے جس میں 12 شہری شہید ہوتے ہیں، اور ہم اس بحث میں لگے ہوئے ہیں کہ ہمیں شہریوں کا ڈیٹا جمع کرنا ہے یا نہیں۔