راولپنڈی: (دنیا نیوز) پاک فوج کے شعبہ تعلقات عامہ کے مطابق سکیورٹی فورسز نے خیبر پختونخوا میں دو الگ الگ کارروائیوں کے دوران 23 خوارج جہنم واصل کر دیئے گئے۔
آئی ایس پی آر کے مطابق بھارت کے حمایت یافتہ دہشت گردوں کے نیٹ ورک کے خلاف کارروائیاں تیز کر دی گئیں، سکیورٹی فورسز نے خیبر پختونخوا میں دو الگ الگ کارروائیاں کییں، کارروائیوں کے دوران بھارتی پراکسی فتنہ الخوارج سے تعلق رکھنے والے 23 خوارج جہنم واصل کر دیئے گئے۔
آئی ایس پی آر کے مطابق سکیورٹی فورسز نے ضلع باجوڑ میں خوارج کی موجودگی کی اطلاع پر انٹیلی جنس پر مبنی آپریشن کیا، آپریشن کے دوران سکیورٹی فورسز نے خوارج کے ٹھکانوں کو مؤثر طریقے سے نشانہ بنایا۔
پاک فوج کے شعبہ تعلقات عامہ کے مطابق آپریشن کے دوران خوارج کے سرغنہ سجاد عرف ابوزر سمیت 11 خوارج ہلاک کر دیئے گئے۔
آئی ایس پی آر کے مطابق ضلع بنوں میں انٹیلی جنس کی بنیاد پر ایک اور کارروائی میں مزید 12 خوارج ہلاک کر دیئے گئے۔
سکیورٹی فورسز اور قانون نافذ کرنے والے اداروں کی طرف سے وژن "عزم استحکم" جاری رکھنے کے عزم کا اظہار، ہندوستانی سپانسر شدہ خارجیوں کو ختم کرنے کے لیے کارروائیاں کی جا رہی ہیں۔
آئی ایس پی آر کے مطابق بھارتی پراکسی فتنہ الخوارج سے تعلق رکھنے والے خارجی کی معصوم شہریوں کو نشانہ بنانے کی ناکام کوشش بنا دی گئی، بھارتی پراکسی فتنہ الخوارج سے تعلق رکھنے والا ایک خارجی ضلع بنوں میں دیسی ساختہ بم نصب کرتے ہوئے ہلاک ہوگیا۔
پاک فوج کے شعبہ تعلقات عامہ کے مطابق دہشت گرد مسلسل ناکامیوں کے بعد نرم اہداف کو نشانہ بنانے کی کوشش کر رہے ہیں، مؤثر کاؤنٹر ٹیررازم آپریشنز سے دہشتگردوں کی صلاحیتیں کمزور پڑ رہی ہیں۔
آئی ایس پی آر کے مطابق وژن "عزمِ استحکام" کے تحت دہشت گردی کے مکمل خاتمے کا عزم برقرار ہے۔
