لاہور:(دنیا نیوز) وزیراطلاعات پنجاب عظمیٰ بخاری نے کہا ہے کہ امریکی کانگریس بھی مریم نواز کے اقدامات کی معترف ہے۔
صوبائی دارالحکومت سے جاری اپنے ایک بیان میں عظمیٰ بخاری کا کہنا تھا کہ امریکی کانگرس نے اینٹوں کے بھٹے جدید طرز پر منتقل کرنے پر مریم نواز کی تعریف کی،
اُن کا کہنا تھا کہ امریکی کانگرس پاکستان کاکس نے وزیر اعلی پنجاب کو خط لکھا ہے، امریکی کانگریس بھی مریم نواز کے اقدامات کی معترف ہے، پنجاب حکومت نے بھٹہ صنعت کو جدید بنانے کی لیے جرات مندانہ اقدامات کیے۔
وزیر اطلاعات و نشریات کا مزید کیہ ماحولیات اور جبری مشقت کے خاتمے کے لیے اقدامات کو قدر کی نگاہ سے دیکھتے ہیں، مریم نواز کا اینٹوں کے بھٹے کو جدید بنانے کا ماڈل خطے میں مثال بنا ہے۔
