اسلام آباد: (دنیا نیوز) وفاقی آئینی عدالت نے نئی گج ڈیم کی تعمیر سے متعلق اہم کیس کی سماعت کے دوران واپڈا اور ٹھیکیدار کو مل بیٹھ کر معاملہ حل کرنے کی ہدایت کر دی۔
چیف جسٹس امین الدین خان کی سربراہی میں آئینی عدالت کے 3 رکنی بنچ نے سماعت کی، جس میں جسٹس ارشد حسین بھی شامل تھے۔
سماعت کے دوران واپڈا کی جانب سے سلمان منصور نے مؤقف اختیار کیا کہ ٹھیکیدار معاہدے کے مطابق کام نہیں کر رہا، جس کے باعث منصوبے میں تاخیر ہو رہی ہے، اس صورتحال میں لاگت میں بھی مسلسل اضافہ پو رہا ہے۔
یہ خبر بھی پڑھیں: وفاقی آئینی عدالت نے موسمِ سرما کی تعطیلات کا باضابطہ اعلان کر دیا
دورانِ سماعت جسٹس ارشد حسین نے ریمارکس دیتے ہوئے کہا کہ دونوں فریقین بیٹھ کر باہمی مشاورت سے مسئلے کا حل نکالیں۔
جسٹس امین الدین خان نے کہا کہ اگر بات چیت کے ذریعے تنازع حل نہ ہوا تو عدالت فیصلہ سنائے گی۔
بعدازاں عدالت نے کیس کی سماعت 3 ہفتوں کے لیے ملتوی کر دی۔
