صوابی:(دنیا نیوز) صوبائی پولیس مقابلے کے دوران دو خطرناک دہشت گرد ہلاک ہو گئے۔
پولیس ترجمان کے مطابق تھانہ ٹوپی کی حدود میں پولیس اور دہشت گردوں کا مقابلہ ہوا، جہاں فائرنگ کے تبادلے میں 2 دہشتگرد مارے گئے، دہشتگردوں سے ہینڈ گرینیڈ، دو پستول اور موٹرسائیکل برآمد ہوا۔
ترجمان نے بتایا کہ ہلاک دہشت گردوں کی شناخت یاسر ولد شیر امان اور سعود الرحمان کے ناموں سے ہوئی، دہشت گرد چوکی کلابٹ پر ہینڈ گرنیڈ حملے میں ملوث تھے۔
دوسری جانب پولیس ترجمان کا مزید کہنا تھا کہ حملے میں کانسٹیبل نور کمال شاہ شہید ہوئے تھے، رات گئے دہشت گرد تخریب کاری کی نیت سے موجود تھے، پولیس کی بروقت کارروائی سے بڑے نقصان سے بچا لیا گیا جب کہ علاقے میں کلیئرنس کے لیے سرچ آپریشن جاری ہے۔
