اسلام آباد: (دنیا نیوز) ترجمان دفتر خارجہ کے مطابق وزیراعظم شہباز شریف بحرین کا 2 روزہ دورہ کریں گے۔
ترجمان کے مطابق وزیر اعظم شہباز شریف 26 سے 27 نومبر 2025 تک مملکت بحرین کا دورہ کریں گے۔
وزیراعظم کے ہمراہ اعلیٰ سطح کا وفد بھی ہوگا، نائب وزیراعظم و وزیر خارجہ اسحاق ڈار، وفاقی وزراء اور اعلیٰ حکام بھی وفد میں شامل ہوں گے۔
ترجمان کے مطابق وزیراعظم تجارت، سرمایہ کاری، توانائی، ٹیکنالوجی، تعلیم کے شعبوں میں تعاون بڑھانے پر بات چیت کریں گے۔
