گلگت: (ویب ڈیسک) نگراں وزیراعلیٰ گلگت بلتستان جسٹس ریٹائرڈ یار محمد آج اپنے عہدے کا حلف اٹھائیں گے۔
گورنر گلگت بلتستان سید مہدی شاہ نگراں وزیراعلیٰ سے حلف لیں گے، 25 نومبر کو جی بی حکومت اور اسمبلی 5 سال کی آئینی مدت ختم ہونے کے بعد تحلیل ہوگئی تھی۔
گلگت بلتستان کی آئینی مدت مکمل ہونے کے بعد جسٹس ریٹائرڈ یار محمد خان نگراں وزیر اعلیٰ مقرر کیے گئے تھے، اسمبلی انتخابات نگراں حکومت کروائے گی، گلگت بلتستان میں آئندہ انتخابات وفاقی الیکشن ایکٹ 2017ء کے تحت منعقد ہوں گے۔
