اس موقع پر گفتگو کرتے ہوئے سپیکر سردار ایاز صادق نے کہا کہ چین پاکستان کا قریبی، قابلِ اعتماد اور ہر آزمائش کی گھڑی میں ساتھ کھڑا رہنے والا ملک ہے۔

سردار ایاز صادق نے کہا کہ پاکستان کو چین کے ساتھ اپنی سدا بہار دوستی پر فخر ہے، پاکستان اور چین کے مابین اقتصادی و دفاعی شعبوں میں قریبی تعاون قابل ستائش ہے۔

سپیکر قومی اسمبلی نے کہا کہ پاک–چین دوستی باہمی اعتماد و احترام کی مضبوط بنیادوں پر استوار ہے، پاکستان اور چین سٹریٹجک شراکت دار ہیں۔

سردار ایاز صادق نے کہا کہ پاکستان اور چین ہر مشکل وقت میں ایک دوسرے کے شانہ بشانہ کھڑے رہے ہیں، پاک–چین دفاعی تعاون خطے میں پائیدار امن کے قیام کیلئے اہم کردار ادا کر رہا ہے۔

انہوں نے کہا کہ میری گزشتہ سپیکر شپ کے دوران صدر شی جی پنگ کا پاکستان کی پارلیمنٹ کے مشترکہ اجلاس سے خطاب تاریخی اہمیت کا حامل ہے۔

چینی سفیر جیانگ ژائی ڈونگ نے سپیکر سردار ایاز صادق کی جانب سے چین کیلئے تاثرات کو سراہا اور کہا کہ دونوں ممالک کے عوام ایک دوسرے سے دوستی کے مضبوط رشتے میں بندھے ہوئے ہیں۔

اس موقع پر سپیکر سردار ایاز صادق نے کہا کہ پاک-چین سٹریٹجک شراکت داری ہر گزرتے دن کے ساتھ مضبوط سے مضبوط تر ہو رہی ہے۔