وزیر داخلہ محسن نقوی کی زیر صدارت سکیورٹی کے پیش نظر اعلیٰ سطح کا اجلاس ہوا، چاروں صوبوں کے آئی جی پولیس نے شرکت کی، پولیس حکام نے صوبوں میں امن و امان سے متعلق تفصیلی بریفنگ دی، کالعدم داعش کی پاکستان میں ممکنہ موجودگی کا خدشہ بھی زیر غور آیا۔

اجلاس میں کالعدم تنظیموں کے سلیپر سیلز کیخلاف کارروائیوں کی حکمت عملی پر مشاورت ہوئی، واضح رہے کہ محسن نقوی نے پولیس لائن اسلام آباد میں پاسنگ آؤٹ پریڈ سے خطاب میں کہا تھا کہ اسلام آباد کی مؤثر سکیورٹی کیلئے پولیس کو الرٹ رہنا ہوگا۔

انہوں نے مزید کہا کہ پولیس کا تھانوں میں شہریوں کے ساتھ رویہ اچھا ہونا چاہئے، پولیس فورس میں کالی بھیڑوں کی کوئی جگہ نہیں۔