ٹوکیو: (ویب ڈیسک) ٹوکیو اولمپکس کے دوران جیولن تھرو میں ارشد ندیم میڈل تو نہ جیت سکے تاہم پوری قوم کے دل جیت لیے۔
پہلے تھرو میں رومانیہ کے الیگزینڈو نوواک نے 77.03 میٹر اور جمہوریہ چیک کے ایتھلٹ ویزلی نے 79.73 میٹر کا تھرو پھینکا جبکہ جرمنی کے جولیان ویبر نے 85.30میٹر کا تھرو پھینکا۔
بھارت کے ایتھلیٹ نیرج چوپڑا کی تھرو 87.03 میٹر تک گئی جس کے باعث وہ پہلے نمبر پر ہیں جبکہ پاکستان کے ارشد ندیم 82.40 کا تھرو پھینک کر چوتھے نمبر پر ہیں۔
دوسرے راؤنڈ میں بھارتی نیرج چوپڑہ نے 87.58 میٹر کی تھرو پھینیکی جبکہ پاکستانی ارشد ندیم نے فاؤل پھینکا، جس کے باعث کوئی پوائنٹ نہیں ملا۔
تیسرے راؤنڈ نیرج چوپڑہ میں بھارتی کھلاڑی نے 76.9 کی تھرو پھینیکی جبکہ پاکستانی ارشد ندیم نے 84.62 میٹر کی تھرو پھینکی۔
چوتھے راؤنڈ میں پاکستان ارشد ندیم نے 82.91میٹر کی تھرو پھینیکی۔ جبکہ بھارتی نیرج چوپڑہ نے فاؤل کیا جس کے باعث انہیں کوئی نمبر نہیں ملا۔
پانچویں راؤنڈ میں پاکستانی ارشد ندیم نے 81.98 میٹر کی تھرو پھینکی، بھارتی کھلاڑی نے ایک مرتبہ پھر فاؤل کیا جس کے باعث انہیں کوئی نمبر نہیں ملا۔
چھٹے راؤنڈ میں پاکستانی کھلاڑی ارشد ندیم نے فاؤل پھینکا جس کے باعث انہیں کوئی نمبر نہیں ملا،فائنل میں شاندار کارکردگی دکھائی میڈل کی دوڑ سے باہر ہونے کے باوجود پانچویں نمبر پر رہے۔
دوسری طرف ٹوکیو اولمپکس میں جیولین تھرو میں پاکستان کا نام روشن کرنے والے ارشد ندیم نے کہا ہے کہ معذرت میں عوام کی امیدوں پر پورا نہیں اتر سکا۔
نجی ٹی وی سے گفتگو کرتے ہوئے ارشد ندیم نے کہا کہ میڈل نہ جیتنا اللہ کی بہتری ہے، پانچویں نمبر پر آنے پر اللہ کا شکر گزار ہوں، انشاء اللہ آئندہ اولمپکس میں اچھی تیاری کروں گا، میں قوم کا شکریہ ادا کروں گا میرے لیے دعائیں کیں۔ اور فائنل میں پہنچا، فائنل میں پوری کوشش کی اس میں بھی دعائیں ہمارے ساتھ تھیں، مجھے دعائیں ملتی رہیں تو آئندہ اچھا پرفارم کرتا رہوں گا۔
میاں چنوں سے تعلق رکھنے والے24 سالہ ارشد ندیم نے ساؤتھ ایشین گیمز میں شاندار پرفارمنس دکھا کر اولمپکس کیلئے براہ راست کوالیفائی کیا تھا۔
اولمپکس کیلئے فیلڈ پر آئے تو گروپ سٹیج میں بھی ارشد ندیم نے دھوم مچادی، 85.16 میٹر کی تھرو کرکےارشد ندیم نے اپنے گروپ میں پہلی اور مجموعی طور پر کوالیفائرز میں تیسری پوزیشن حاصل کی اور فائنل کیلئے کوالیفائی کیا۔
ایشین گیمز 2018کے برانز میڈلسٹ اور ساؤتھ ایشین گیمز 2019 کے گولڈ میڈلسٹ ارشد ندیم پلیئرز آرڈر میں نویں نمبر پر موجود ہیں۔ اگر فائنل میں شریک ایتھلیٹس کی اس سیزن کی کارکردگی پر نظر ڈالی جائے تو ارشد ندیم نے اس سیزن میں سب سے اچھی تھرو 86.38 کی کی تھی اور ٹوکیو اولمپکس کے ٹاپ 12 میں صرف 3کھلاڑیوں کی اس سیزن میں اب تک ارشد سے اچھی تھرو رہی ہیں جن میں جوہانس ویٹر 96.29، نیرج چوپڑا88.07 انڈریان مارڈیر 86.66کی تھرو کے ساتھ شامل ہیں۔