کراچی: (دنیا نیوز) سکس ریڈ اسنوکر ورلڈکپ کے رنراپ بابر مسیح تین رکنی ٹیم کے ہمراہ وطن واپس پہنچ گئے۔
دوحہ میں ہونے والے اسنوکر ورلڈ کپ کے فائنل میں بھارتی حریف سے ہارنے والے بابر مسیح کراچی پہنچ گئے ہیں، قومی کیوئسٹ بابر مسیح کا بھارتی حریف پنکج ایڈوانی سے مقابلہ تھا، ٹائٹل مقابلے میں شکست پر بابر مسیح کو چاندی کی ٹرافی ملی۔
اسنوکر کے عالمی مقابلے میں پاکستان کے بابر مسیح اور حارث طاہر نے شرکت کی، حارث طاہر ناک آؤٹ مرحلے میں ہی ہار کر باہر ہو گئے تھے۔