لاہور: (ویب ڈیسک) پاکستان کی ویمن فٹبال ٹیم کی کپتان مائرہ خان کے سعودی فٹبال ٹیم کے خلاف شاندار گول نے دھوم مچا دی۔
گزشتہ روز پاکستان اور سعودی عرب کے درمیان کھیلے گئے ویمن فٹبال میچ میں سعودی عرب کو ایک صفر کی سبقت حاصل تھی کہ آخری لمحات میں پاکستان کو فری کک مل گئی۔
قومی ویمن فٹبال ٹیم کی کپتان مائرہ خان نے فری کک پر شاندار ہٹ لگائی جو سعودی ویمن فٹبال ٹیم کی گول کیپر ہاتھوں کو چھوتی ہوئی گول کے اندر چلی گئی اور اس طرح میچ ایک ایک گول سے برابر ہو گیا۔
سٹیڈیم میں موجود کمنٹیٹرز اور تماشائی بھی شاندار گول کرنے پر مائرہ خان کو داد دیے بغیر نہ رہ سکے اور قومی ویمن فٹبال ٹیم کی کپتان کو میچ کا بہترین کھلاڑی بھی قرار دیا گیا۔
We profiled Maria last year before she debuted as captain for Pakistan WNT in the SAFF Women s Championship. https://t.co/9HwzoGQFKZ
— FootballPakistan.com (@FootballPak) January 20, 2023
واضح رہے کہ ماریہ خان پاکستان کے دو سکواش لیجنڈز کی قریبی رشتے دار ہیں۔ وہ عالمی شہرت یافتہ سکواش کھلاڑی ہاشم خان کی نواسی ہیں اور امریکا میں پیدا ہوئی تھیں اور وہیں اپنے نانا سے سکواش کی تربیت بھی حاصل کرتی رہی ہیں۔
علاوہ ازیں ماریہ خان چھ ورلڈ اوپن اور 10 برٹش اوپن جیتنے والے سکواش لیجنڈ جہانگیر خان کی بھانجی بھی ہیں۔
