نیویارک : (ویب ڈیسک ) بیلاروس کی نامور ٹینس سٹار اور میگا ایونٹ کی سیکنڈ سیڈڈ آریانا سابالینکا اور امریکا کی نامور ٹینس سٹار اورمیگا ایونٹ کی سکستھ سیڈڈ کوکوگف اپنی جیت کے تسلسل کو برقرار رکھتے ہوئے یو ایس اوپن ٹینس ویمنز سنگلز فائنل میں پہنچ گئیں۔
سال کے چوتھے اور آخری گرینڈ سلام یو ایس اوپن ٹینس ٹورنامنٹ کے دلچسپ مقابلے امریکا کے شہر نیویارک کے یو ایس ٹی اے بلی جین کنگ نیشنل ٹینس سینٹرمیں جاری ہیں۔
ویمنز سنگلز مقابلوں کے سیمی فائنل میچ میں بیلاروس کی نامور ٹینس سٹار اور میگا ایونٹ کی سیکنڈ سیڈڈ آریانا سابالینکانے سخت مقابلے کے بعد میزبان حریف کھلاڑی میڈیسن کیز کو 6-0، 6-7(1-7) اور 6-7(5-10) سے ہرا کر یو ایس اوپن ویمنز سنگلز مقابلوں کے فائنل کے لئے کوالیفائی کر لیا۔
Sabalenka s road to a 2nd Grand Slam final this year @IBM | #USOpen pic.twitter.com/ojFmS3aeZR
— US Open Tennis (@usopen) September 8, 2023
ایک اور میچ میں امریکا کی نامور ٹینس سٹار اورمیگا ایونٹ کی سکستھ سیڈڈ کوکوگف نے انتہائی شاندار کارکردگی کا مظاہرہ کرتے ہوئے جمہوریہ چیک کی کیرولینا موچووا کو سٹریٹ سیٹس میں 4-6 اور 5-7 سے ہرا کر نہ صرف فائنل کیلئے کوالیفائی کیا بلکہ پہلی مرتبہ یو ایس اوپن ٹینس کے ویمنز سنگلز مقابلوں کے فائنل میں پہنچنے کا اعزاز بھی حاصل کرلیا ہے ۔
COCO DID IT pic.twitter.com/6w6neofMBF
— US Open Tennis (@usopen) September 8, 2023
کو کو گف 1999 میں اپنی آئیڈیل سرینا ولیمز کے بعد یو ایس اوپن کے فائنل میں پہنچنے والی سب سے کم عمر امریکی خاتون کھلاڑی ہیں۔
SATURDAY IS SET. pic.twitter.com/I2cZBvJ1Ma
— US Open Tennis (@usopen) September 8, 2023
علاوہ ازیں جمہوریہ چیک کی کیرولینا موچووا اور میزبان ٹینس سٹار میڈیسن کیز خواتین کے سنگلز مقابلوں کے سیمی فائنل راؤنڈ میں ہار کر میگا ایونٹ سے باہر ہوگئی ہیں ۔
