راولپنڈی: (دنیا نیوز) آل پاکستان ویمن روئنگ چیمپئن شپ اختتام پذیر ہوگئی جس میں ملک کی 21 جامعات کی ٹیموں نے ریکارڈ تعداد میں شرکت کی۔
راولپنڈی ویمن یونیورسٹی کے زیر اہتمام ایونٹ کی اختتامی تقریب کی مہمان خصوصی مشعال ملک تھیں، چیمپئن شپ میں شریک کھلاڑیوں نے مختلف کیٹیگریز میں حصہ لیا جن میں 2 ہزار میٹر اوپن ویٹ سنگل، ایک ہزار میٹر ڈبل لائٹ ویٹ کے مقابلے شامل تھے، 500 میٹر اوپن ویٹ، 500 میٹر ریلے اور 1000 میٹر ڈبل اوپن ویٹ کیٹیگری کے مقابلے بھی ہوئے۔
کھلاڑیوں اور شرکاء نے ایونٹ کے انعقاد پر خوشی کا اظہار کیا جبکہ مہمان خصوصی مشعال ملک کا اپنے خطاب میں کہنا تھا کہ پاکستان کی خواتین کھیلوں سمیت زندگی کے ہر شعبے میں نمایاں صلاحیتوں کی حامل ہیں، انہوں نے ایونٹ کے انعقاد کو قابل تحسین قرار دیا۔
