دوحہ :(دنیا نیوز) سنوکر ورلڈ کپ کے فائنل مقابلے میں انگلینڈ کے ہاروی چانڈلر پاکستانی کیوئسٹ اسجد اقبال کو شکست دے کر عالمی چیمپئن بن گئے ہیں۔
عمان کے دارالحکومت مسقط میں جاری آئی بی ایس ایف سنوکر ورلڈ کپ انگلینڈ کے ہاروی چانڈلر نے جیت لیا، انہوں نے پاکستان کے اسجد اقبال کو 2-5 فریم سے شکست دے کر یہ اعزاز اپنے نام کیا۔
سیکرٹری جنرل پاکستان بلیئرڈز اینڈ سنوکر ایسوسی ایشن نوید کپاڈیہ جو چیمپئن شپ میں ہیڈ ریفری کے فرائض بھی انجام دے رہے اُن کا کہنا تھا انگلینڈ کے ہاروی چانڈلر نے فائنل میں پاکستان کے اسجد اقبال کو ہرا کر ٹائٹل اپنے نام کر لیا۔
انگلش کیوئسٹ کی جیت کا فریم سکور 0-83، 66-16، 29-95، 8-16، 86-3، 37-65 اور 15-70 رہا، میچ کے دوران ہاروی چانڈلر نے 52 اور 67 کے شاندار بریک بھی کھیلے۔
قبل ازیں سیمی فائنل میں پاکستان کے اسجد اقبال نے فرانس کے نیکولاس مورٹریوکس کو 2-5 سے شکست دے کر فائنل میں جگہ بنائی تھی۔
