پنجگور: (دنیا نیوز) یونیورسٹی آف مکران پنجگور میں ایف سی بلوچستان (ساؤتھ) کے تعاون سے سپورٹس ویک کا شاندار انعقاد ہوا۔
سپورٹس ویک کا اہتمام طلباء اور طالبات کو مثبت سرگرمیوں کی جانب مائل کرنے کے لئے کیا گیا، سپورٹس ویک میں کرکٹ، فٹبال، بیڈمنٹن، شطرنج اور سلو ریس سمیت متعدد مقابلے منعقد کئے گئے۔
طلباء نے سپورٹس ویک میں بھرپور دلچسپی کا مظاہرہ کرتے ہوئے مختلف مقابلوں میں پرجوش حصہ لیا۔
یونیورسٹی انتظامیہ نے سپورٹس ویک کو طلباء کی ذہنی و جسمانی نشوونما کیلئے اہم قدم قرار دیا، اختتامی تقریب میں کمانڈنٹ پنجگور رائفلز نے جیتنے والی ٹیموں میں ٹرافیاں اور انعامات تقسیم کئے۔
وائس چانسلر اور فیکلٹی کی جانب سے ایف سی بلوچستان (ساؤتھ) کی معاونت پر اظہارِ تشکر کرتے ہوئے کہا گیا کہ ایف سی بلوچستان کی سرگرمیاں نوجوانوں کی صلاحیتوں کے نکھار اور معاشرے میں ہم آہنگی کے فروغ میں معاون ہیں۔
ایف سی بلوچستان کے تعاون سے علاقائی سطح پر کھیلوں کے فروغ کی نئی روایت قائم ہو رہی ہے۔
