اسلام آباد:(دنیا نیوز) سٹار ٹینس پلیئر اعصام الحق نے باقاعدہ طور پر ریٹائرمنٹ کا اعلان کر دیا۔
وفاقی دارالحکومت میں پہلے اے ٹی پی چیلنجر کپ کے افتتاح کے موقع پر انہوں نے یہ اعلان کیا۔
ایک تاریخی سنگِ میل جس کے لیے اعصام نے دو دہائیوں تک جدوجہد کی، روشن ترین لائٹس اور گونجتی تالیوں کے درمیان، اعصام نے حاضرین کو اپنے شاندار کیریئر کی یادگار جھلک دکھائی۔
اُن کے دیرینہ کوچ حسیب اسلم نے ابتدائی طور پر انہیں ٹرینڈ کرنے سے انکار کر دیا تھا، اعصام الحق کا کہنا تھا کہ صرف اپنی والدہ کے اصرار پر انہوں نے آخرکار حامی بھری۔
اعصام الحق نے کہا کہ میرے والدین ہی اصل قوت تھے، اُن کا یقین، اُن کی قربانیاں اور ان کی حوصلہ افزائی نے مجھے وہ بنایا جو میں ہوں، میں اپنے تمام کوچز، مینٹرز اور ساتھی کھلاڑیوں کا شکرگزار ہوں جنہوں نے میری بہترین صلاحیتوں کو ابھارنے میں اہم کردار ادا کیا۔
اُن کا مزید کا کہنا کہ پاکستان کے سپورٹس میڈیا نے ان کے سفر کو ابتدا سے ہی بھرپور انداز میں اُجاگر کیا ، تقریب میں تمام بین الاقوامی اور مقامی کھلاڑیوں کا باقاعدہ تعارف بھی کرایا گیا۔
