کابل: (ویب ڈیسک) افغانستان کے شہر قندھار میں پاکستان کے قونصل خانے کا ٹویٹر اکاؤنٹ ہیک کر لیا گیا جو بعد ازاں بحال بھی ہوگیا ۔
رپورٹس کے مطابق قندھار میں پاکستان کے قونصل جنرل طارق علی نے بیان میں تصدیق کرتے ہوئے کہا کہ پاکستانی قونصل خانے کے آفیشل اکاؤنٹ کو ہیک کرنے کے بعد ایک ٹویٹ کے ذریعے مشن کی عارضی بندش کا بیان جاری کیا گیا تھا۔
قونصل جنرل نے مزید بتایا کہ قندھار میں پاکستانی قونصل خانے کا آفیشل اکاؤنٹ بحال کر دیا گیا ہے جبکہ ہیکنگ کے دوران کی گئی غیر متعلقہ ٹوئٹس ڈیلیٹ کر دی گئی ہیں اوراس حوالے سے ٹوئٹر کو بھی مطلع کر دیا ہے۔ قونصل خانہ اس دوران پیش آنے والی کسی بھی تکلیف پر معذرت خواہ ہے۔
Official account of Consulate General of Pakistan Kandahar was hacked a while ago which was immediately recovered. Unsolicited tweets have been deleted. The Consulate offers sincere apologies for any inconvenience this may have caused. The matter is being reported to Twitter.
— Consulate General of Pakistan, Kandahar (@PakinKandahar) December 2, 2022
واضح رہے صحافی انس ملک نے ٹوئٹ میں بتایا تھا کہ پاکستانی قونصل خانے کی جانب سے سماجی رابطے کی ویب سائٹ پر بیان دیا گیا ہے کہ پاکستان قندھار میں اپنا قونصل خانہ احتجاجاً 2 روز کے لیے بند کر رہا ہے اور طالبان حکومت سے پُر زور مطالبہ کیا ہے کہ وہ کالعدم تحریک طالبان پاکستان (ٹی ٹی پی) کے خلاف کارروائی کرے اور انہیں محفوظ راستہ نہ دے۔
Pakistan to close its consulate in Kandahar for two days as a mark of protest while strongly urging Taliban govt to act against TTP and not giving them safe havens, reads tweets from the Consulate s account - Also states that this can be the first step to severing diplo ties.
— Anas Mallick (@AnasMallick) December 2, 2022
