کوالالمپور: (ویب ڈیسک) ملائیشیا میں سوشل میڈیا پر ایک ویڈیو وائرل ہو رہی ہے جس میں ایک خوبصورت بکری نے دھوم مچا دی ہے۔
خبر رساں ادارے کے مطابق ملائیشیا میں خوبصورت بکرے کی دھوم مچی ہوئی ہے جسے ہر کوئی خریدنے کی کوشش میں لگا ہوا ہے یہ بکری سفید رنگ کی ہے جس کی ٹھوڑی کے نیچے لمبوتری داڑھی ہے اور سر کے اوپر خوبصورت بال، جن میں اس کے مالک احمد محمد نے مانگ بنا رکھی ہے۔ اس نے اپنی اس بکری کی ویڈیو انٹرنٹ پر گزشتہ دنوں پوسٹ کی جسے اب تک لاکھوں لوگ دیکھ چکے ہیں اور ہر کوئی اس بکری کے حسن کی تعریف کرنے پر مجبور ہے۔
Goat in M’sia goes viral for being very handsome :) pic.twitter.com/VN6gqOxdc0
— Ramadan (@oromtichaaa) July 9, 2019
خبر رساں ادارے کے مطابق ملائیشیا میں احمد نامی کسان کے پاس درجنوں بکرے اور بکریاں موجود ہیں تاہم راموس نامی 11 ماہ کا پالتو بکری ہر ایک کی توجہ کا مرکز بنا ہوئی ہے۔ بڑی تعداد میں لوگ اس بکری کو خریدنے کی خواہش کا اظہار کر رہے ہیں تاہم اس کا مالک معذرت کرتے ہوئے دوسرے بکری پیش کر رہا ہے۔
احمد کا کہنا ہے کہ اس نے یہ بکری 683 درہم (150 برطانوی پاؤنڈ) میں خریدی تھی۔ میں نے سوچا نہیں تھا کہ یہ بکری اتنا مشہور ہو جائے گی۔ بہت سارے لوگ میرے پیچھے ہیں کہ میں اس بکری کو بیچ دوں میں سب کو بتانا چاہتا ہوں میرے پاس فارم ہاؤس میں اور بھی بہت سے بکری ہیں تاہم میں اس کی بجائے دوسرے بکرے بیچنے کے لیے تیار ہوں۔
احمد محمد نے بتایا کہ ہ بکری میرے ہی فارم پر پیدا ہوئی تھی اور تبھی سے یہ باقی بکریوں کے بچوں سے کہیں زیادہ خوبصورت لگتی تھی۔ اس کے سر کے خوبصورت بال باقی بکریوں سے بالکل الگ ہیں۔ مجھے اندازہ نہیں تھا کہ انٹرنیٹ پر اس کی ویڈیو اتنی زیادہ پسند کی جائے گی۔مجھے خوشی ہے کہ میری بکری انٹرنیٹ پر سیلیبرٹی بن گئی ہے۔
