نئی دہلی: (ویب ڈیسک) بھارت سے ایک حیران کن خبر سامنے آئی ہے جہاں پر سر پر گہری چوٹ لگنے کے باعث مردہ قرار دیا جانے والا شخص اچانک ’زندہ‘ ہو گیا۔
غیرملکی خبررساں ادارے کے مطابق بھارتی ریاست کیرالہ میں سر پر بھیانک چوٹ لگنے کی وجہ سے شہری بےہوش ہوگیا تھا لیکن اہل خانہ نے متاثرہ شخص کو مردہ سمجھ لیا اور کوئی بھی فرد کوروناوائرس کے خوف کے پیش نظر مذکورہ شہری کے قریب آنے سے بھی ڈر رہا تھا۔
A photographer from Kerala, who was called by the police to take picture of a dead body. While taking pics of dead man he realises that the person is alive and later saves his life #kerela #photography pic.twitter.com/MpLeL07D1d
— Lanishmita Borah (@lanishmita) July 15, 2020
بعد ازاں پولیس نے مردہ قرار دیے جانے والے شخص کی تصاویر بنانے کے لیے ماہر فوٹوگرافر کو بلوایا جو پولیس کے ماتحت اس طرح کے واقعات کو کیمرے کی آنکھ سے قید کرتا ہے۔
یہ بھی پڑھیں: انڈونیشیا میں تدفین کے دوران بنائی گئی وڈیو میں مُردہ زندہ ہو گیا؟
رپورٹ کے مطابق ’تومی تھومس‘ نامی فوٹوگرافر نے ’سیواداسن‘ نامی متاثرہ شخص کی تصاویر لینا شروع کیں تو اسے بےہوش شہری کے جسم میں ہلکی سی حرکت دکھی اور اس نے سانسوں کی حرارت بھی محسوس کی۔
یہ بھی پڑھیں: مردہ قرار دی گئی خاتون آخری رسومات سے قبل زندہ ہو گئی
یہ صورت حال دیکھ فوٹوگرافر نے پولیس کو مطلع کیا جس کے پتہ چلا کہ متاثرہ شخص واقعی زندہ ہے، اہلکاروں نے مذکورہ شہری کو ہسپتال منتقل کردیا جہاں اسے طبی امداد فراہم کی جارہی ہے۔
یہ بھی پڑھیں: ایک روز قبل دفنایا گیا ’مردہ‘ گھر واپس لوٹ آیا
واضح رہے کہ یہ پہلے موقع نہیں جب مردہ قرار دیا گیا شخص اچانک زندہ ہو گیا ہو۔ اس سے قبل بہت سارے واقعات رونما ہو چکے ہیں۔ مثلا لاطینی امریکی ملک کولمبیا میں بھی چند روز قبل مردہ قرار دیا گیا شخص اچانک زندہ ہو گیا تھا۔
یہ بھی پڑھیں: مردہ قرار دیا گیا نوجوان دوبارہ زندہ ہو گیا، ہسپتال میں کھلبلی
چند ماہ قبل بھارت کے شہر وجے نگر کے ایک ہسپتال میں مردہ قرار دئیے جانیوالے نوجوان کے زندہ ہونے پر اہلخانہ سمیت 50 سے زائد افراد نے ہنگامہ برپا کر دیا۔
میڈیا رپورٹ کے مطابق ڈاکٹروں کی جانب سے مردہ قرار دیا جانے والے 19 سالہ نوجوان چندرا شیکھر کے جسم میں ایمبولینس میں گھر جاتے ہوئے حرکت پیدا ہوگئی اور وہ بات بھی کرنے لگا۔
یہ بھی پڑھیں: اہلخانہ کے ہسپتال میں ہنگامے کے دوران مردہ قرار دیا گیا شخص’زندہ‘ ہو گیا
نوجوان کے اہل خانہ اور دیگر عزیز و اقارب سمیت 50 سے زائدافراد ہسپتال میں جمع ہوگئے اور ہنگامہ آرائی شروع کر دی تاہم بعد میں نوجوان کو علاج کی غرض سے ممبئی منتقل کیا جا رہا تھاکہ وہ دم توڑ گیا۔
