تازہ ترین
  • بریکنگ :- پاسنگ آؤٹ پریڈمیں بطورمہمان خصوصی شرکت باعث فخرہے،آرمی چیف

ذیابیطس قابو کرنے والا مقناطیسی ریموٹ کنٹرول

Published On 09 October,2020 08:27 am

آئیووا: (روزنامہ دنیا) ٹائپ ٹو ذیابیطس قابو کرنے کیلئے ضروری ہے کہ روزانہ خون میں شکر کی مقدار کو نوٹ کیا جائے تاہم اب اس کیفیت کو برقی مقناطیسی میدان فیلڈ یعنی ای ایم ایف سے قابو کرنے کی کوشش کی گئی ہے۔

میڈیا رپورٹ کے مطابق یونیورسٹی آف آئیووا کے سائنسدانوں نے برقناطیسی میدان سے خون میں گلوکوز کی مقدار قابو کرنے اور جسم میں انسولین کی حساسیت بڑھانے میں اہم کامیابی حاصل کی ہیں۔ یونیورسٹی کی سنی ہوانگ اور کیلوِن کارٹر نے جسم کی بجائے دماغ پر ای ایم ایف کے اثرات معلوم کئے ہیں۔

سنی ہوانگ نے بتایا کہ ہم نے ٹائپ ٹو ذیابیطس کے شکار چوہوں کو پہلے دیکھا تو ان کے خون میں شکر کی مقدار بہت زیادہ تھی لیکن جیسے ان کے دماغ پر ای ایم ایف کے اثرات ڈالے گئے ان کے خون میں شکر کی مقدار نارمل ہو گئی۔ کیلون کارٹر نے اس عمل کو برقناطیسی ریموٹ کنٹرول کہا ہے جو ٹائپ ٹو ذیابیطس قابو کرسکتا ہے۔