واشنگٹن: (روزنامہ دنیا) امریکہ کے نیشنل پارک میں ملازمت کرنے والی معمر ترین خاتون رینجر کو 100 برس کی عمر میں ریٹائر کر دیا گیا۔
میڈیا رپورٹ کے مطابق امریکی ریاست کیلی فورنیا کے نیشنل پارک کی عمر رسیدہ خاتون رینجر ریڈ سو سکن نے 100 برس کی عمر میں ریٹائرمنٹ لی ہے۔ خاتون رینجر نے رچمنڈ شہر میں واقع روزی دی ریوٹر، ڈبلیو ڈبلیو آئی آئی فرنٹ نیشنل تاریخ پارک میں 15 سال خدمات سر انجام دیں۔
ریٹائرمنٹ کے موقع پر خاتون رینجر کا کہنا تھا کہ بطور رینجر اپنے فرائض انجام دینا بہت اہم اور زندگی کے یادگار لمحات میں سے ایک ہے۔ اس عمر میں ملازمت کرنا اعزاز سے کم نہیں، 15 سالہ نوکری پر ہمیشہ فخر رہے گا۔
