لاہور: (ویب ڈیسک) مانو بلی اکثر اپنی نت نئی حرکتوں اور دلچسپ ویڈیوز کی وجہ سے سوشل میڈیا صارفین کی توجہ اپنی جانب مبذول کر لیتی ہے، ایسی ہی ایک دلچسپ ویڈیو تیزی سے سوشل میڈیا پر وائرل ہو رہی ہے۔
وائرل ہونے والی ویڈیو میں دیکھا جا سکتا ہے کہ ایک مانو بلی الیکٹریشن بنی ہوئی ہے۔
ٹوئٹر پرایک ویڈیو شیئر کی گئی جس میں ایک بلی کو بلب سیٹ کرتا دیکھا جا سکتا ہے، بلی فریج پر چڑھ کر چھت کیساتھ لگے بلب کو جلانے کی کوشش کر رہی ہے، بلب کے نہ جلنے پر بلی اسے بار بار چھیڑ کر چیک کرتی ہے۔
بلی کی اس حرکت پر جہاں وہاں موجود نوجوان اپنی ہنسی پرقابو نہیں رکھ سکا وہیں سوشل میڈیا صارفین بھی اپنی ہنسی نہیں روک پا رہے۔
Who called for an electrician? pic.twitter.com/PonQLescdU
— cats with jobs (@CatWorkers) August 17, 2023
ٹوئٹرصارف نے مانو بلی کی اس کیوٹ ویڈیو کو گزشتہ روز ٹوئٹر پر شیئر کیا تھا جو دیکھتے ہی دیکھتے سوشل میڈیا پر مقبول ہو گئی، وائرل ہونے والی اس ویڈیو کو صارفین کی جانب سے بہت پسند کیا جا رہا ہے ساتھ ہی اس ویڈیو پر متعدد کمنٹس بھی کئے جا رہے ہیں۔
ایک صارف نے اس ویڈیو پر کمنٹ کرتے ہوئے کہا کہ واقعی اس بلی کی ویڈیو دیکھ کر ایسا لگ رہا ہے کہ یہ کوئی بڑی ماہر الیکٹریشن ہے۔
جبکہ ایک صارف نے کمنٹ کرتے ہوئے بلیوں کی تعریف میں کہا کہ میرے نزدیک بلیاں جانوروں میں سب سے دلچسپ جانور ہیں۔
یہ ہی نہیں بلکہ ایک صارف نے دلچسپ کمنٹ کیا کہ اس بلی کو میں اپنے گھر میں بطور الیکٹریشن رکھ لوں گا، علاوہ ازیں دیگر صارفین کی جانب سے بھی بلی کے لئے پیار بھرے کمنٹس کئے جا رہے ہیں۔
واضح رہے کہ سوشل میڈیا پر اکثر جانوروں کی ایسی ویڈیوز وائرل ہو جاتی ہیں جو کبھی صارفین کو جذباتی تو کبھی خوفزدہ کر دیتی ہیں۔
