مسافر کی چلتی ٹرین میں نہاتے ہوئے چونکا دینے والی ویڈیو وائرل

ممبئی: (ویب ڈیسک) بھارت سے مسافر کی چلتی ہوئی ٹرین میں نہاتے ہوئے ایک چونکا دینے والی ویڈیو سوشل میڈیا پر وائرل ہوگئی۔

سوشل میڈیا پر وائرل ویڈیو میں ایک مسافر کو ٹرین کوچ کی راہداری میں خوشگوار موڈ میں نہاتے ہوئے دیکھا جا سکتا ہے جبکہ پاس کھڑا دوسرا مسافر اس کی ویڈیو بنا رہا ہے۔

اس ویڈیو کے سوشل میڈیا پر وائرل ہونے اور صارفین کی جانب سے شدید ردِعمل سامنے آنے کے بعد ریلوے حکام نے فوری طور ایکشن لیا اور اس نامناسب اقدام کے خلاف قانونی کارروائی کی جو دوسرے مسافروں کیلئے تکلیف کا باعث بنا۔

 

 

 

 

View this post on Instagram

 

 

 

 

 

 

 

 

 

 

 

A post shared by ज़िन्दगी गुलज़ार है ! (@zindagi.gulzar.h)

بھارتی میڈیا کی رپورٹ کے مطابق ویڈیو میں موجود شخص کی شناخت پرمود شریواس کے طور پر کی گئی ہے۔

رپورٹ میں مزید بتایا گیا کہ قانونی کارروائی کے دوران ملزم نے اعتراف کیا کہ اس نے یہ حرکت سوشل میڈیا ریل بنا کر مقبولیت حاصل کرنے کیلئے کی۔

ریلوے حکام نے مسافروں پر زور دیا کہ وہ اس طرح کے سٹنٹس یا ریلز بنانے کیلئے ٹرین کا غلط استعمال نہ کریں، اس طرح کے اقدامات ساتھی مسافروں کیلئے پریشانی کا باعث بنتے ہیں اور یہ عوامی املاک کی بے عزتی کرنے کے مترادف بھی ہے۔