بیجنگ: (دنیا نیوز) چین میں بیجنگ کے ایک میوزیم میں پیش کی جانے والی انوکھی کاکروچ صارفین میں مقبول ہو رہی ہے۔
چینی میڈیا کے مطابق یہ کافی عام نہیں بلکہ اس میں پسے ہوئے کاکروچ اوپر سے چھڑکے جاتے ہیں جبکہ خشک پیلے میل ورمز کو مشروب میں ملایا جاتا ہے، اس ’روچ کافی‘ کی قیمت 45 یوآن (تقریباً 6 ڈالر) مقرر کی گئی ہے، اور یہ ایک حشرات سے متعلق میوزیم کے کافی کارنر میں دستیاب ہے۔
یہ کافی جون کے آخر میں متعارف کروائی گئی تھی لیکن انٹرنیٹ پر حال ہی میں مقبول ہوئی ہے، میوزیم کے ایک ملازم کا کہنا ہے کہ چونکہ میوزیم کا موضوع کیڑے مکوڑے ہے، لہٰذا اسی مناسبت سے ڈرنکس متعارف کروانا ایک مناسب خیال لگا۔
دوسری جانب روایتی چینی طب کے مطابق کاکروچ پاؤڈر خون کی گردش بہتر کرنے میں مدد دے سکتا ہے جبکہ پروٹین سے بھرپور میل ورمز مدافعتی نظام کو مضبوط بناتے ہیں۔
